Қазақстан Республикасы Тұңғыш Президенті Қорының қамқорлық көмегімен орта арнаулы мектептерде білім алатын, қант диабетіне шалдыққан балалардың құқығын қорғап, ауруға шалдыққан балаларға көмек көрсететін республикалық ата-аналар комитеті құрылды.

Аталмыш жоба 2009 жылғы «Халық денсаулығы – Қазақстанның дәулеттілігі» атты жыл сайын өтетін республикалық әлеуметтік идеялар мен жобалар Жәрмеңкесінде «Өзекті тақырыптар – шешімі бар мүмкіндіктер» номинациясы бойынша жеңіске жеткен. Комитет Қазақстанның барлық облыстарындағы ата-аналар комитетінен өкілдерді жинады. 11-ші қыркүйекте өткен алғашқы отырыста қант диабетіне шалдыққан әр аймақтағы балалардың жағдайлары айтылып, мемлекеттік органдарға арналған арнайы ұсыныстар қарастырылды.

12 қыркүйек күні қант диабетімен ауыратын балалар проблемасын талқылауға мемлекеттік органдардың өкілдері де қосылды, мәселен: Қазақстан Республикасы Парламент Мәжілісі, ҚР Президенті Әкімшілігінің ішкі саясат бөлімі, ҚР Денсаулық сақтау Министрлігінің денсаулық сақтау бағдарламаларын дамыту басқармасы. Сондай-ақ, Комитетке құрметті мүшелер сайланды, олар Қазақстан Республикасы Парламент Мәжілісінің депутаты С.И.Ферхо, ҚР Денсаулық сақтау Министрлігінің бас педиатры К.С.Абауова және «Экібастұз» балалар қорының директоры Т.В.Шмидт.